ASF avangin Khawzawlah vawk 33 a thih belh leh

#ZONEWS Khawzawl July 26, 2025: AH&Vety Department chhin-chhiah danin, nimin July ni 25 khan Khawzawl khawpui chhungah vawk 33 a thih belh leh a, Dinthar vengah vawk 3 a thi a, Zaingen vengah 2, Zuchhip vengah 6, Kawnzar vengah 2, Darngawn vengah 6, Electric vengah 10 leh Lungvar vengah 4 a thi a. Darngawn vengah vawk pakhat suat a ni bawk. Heti hian hri len tirh atangin Khawzawl khawpui chhungah vawk 735 a thi tawh a, vawk 64 suat a ni tawh bawk a, Vawk pul hri hi nimin thleng khan veng 11 in an tuar a, Vawk pul hri leng hian chhung-kaw 313 a nghawng a ni.

Hetih lai hian kumin kum tir atanga nimin thleng khan Mizoram pumah vawk 6296 a thi tawh a, vawk 2362 suat an ni tawh a. Mamit district-ah vawk 205 a thi tawh a, 85 suat a ni tawh a, Lawngtlai district-ah 1757 a thi tawh a, vawk 394 suat a ni tawh. Siaha district-ah 3191 a thi tawh a, 935 suat a ni a. Lunglei district-ah 390 a thi tawh a, 878 suat a ni tawh, Khawzawl district-ah 735 a thi tawh a, 64

suat a ni tawh a. Champhai district-ah vawk 18 a thi tawh a, vawk 6 suat a ni tawh bawk