ASF vangin Khawzawl Ditrict-ah Vawk 27 a thih belh

#ZONEWS Khawzawl August 06, 2025: Khawzawl district chhunga Vawk pul hri ASF leng mek chuan ziaawm lam ala pan thei lova, nimin khan vawk 27 lai a thih belh a, vawk 6 suat a ni bawk.

AH&Vety Department report atanga a lan dan chuan nimin (5.8.2025) Khawzawl khaw chhung bik – Vengtharah vawk 3 a thi a, Hermon vengah 8, Zaingen vengah 3, Zuchhip vengah 2, Kawnzar vengah 2 leh Darngawn vengah 7 a thi a, Khawzawl pawn – Arro village-ah 2 a thi bawk a. Arro Village-ah vek hian vawk 6 suat a awm bawk a ni.

Heti hian Khawzawl district-a ASF hri a len tirh atangin vawk 1070 a thi tawh a, vawk 98 suat a awm tawh bawk a ni.