BJP Mizoram chuan vawiin khan “Kargil Vijay Diwas” pualin BJP Mizoram State Office, Mipui Rûn-ah hun an hmang.

#ZONEWS July 25, 2025: Palak Bialtu MLA Pu K. Hrahmo chuan, vawiin hi India ram tana ni pawimawh leh ni chhinchhiah tlak tak a ni a ti a, Kum 1999-a Kargil War-a India-in hnehna a chan hriatrengna leh chu Indona-a Sipai huaisen nunna chan ta te hriatreng nana hun hman ṭhin a ni, a ti.

Pu Hrahmo chuan hmanni lawkah Operation Sindoor aṭang pawh khan Pakistan tan chuan India beih hi a sim thlak hle ngeiin a rinawm a ti a, Mizoram mipuite pawh India rama an awm chu an vannei hle tih sawiin, lawmna chang hriat pawh a ngai a ni a ti a. India ram hausakna chhawr ve turin Mizoram mipuite pawh an inbuatsaih a, an ngaihtuahna an sen a ngai a ni,” a ti bawk.

Inkhawmna hun neih zawhah hian, Sipai huaisen Ram tana nun chante hriatrengna leh zahna en tir nan War Memorial, Zodin Square ah MLA leh State Vice President Pu Vanupa Zathang te’n pangpar an dah bawk a ni.