Champhai Bawrhsapin dan lo anga damdawi zawrh leh pekchhuah khapna thupek a chhuah

#ZONEWS Champhai August 21, 2025: Champhai Bawrhsap Pu Mohammad Aaquib chuan Schedule H leh Schedule X damdawi dan lo anga zawrh leh pek chhuah khapna thupek hetiang hian a chhuah:

ORDER

No.J.12019/1/2022-DC(C): Champhai District-ah damdawi hman sualna leh sawrkarin a khuahkhirh bik damdawi, Schedule H (Doctor-in a chawhte hnen chauha hralh theih) leh Schedule X (damdawi ngaih/addict theih chi) te Dan kalha zawrh leh hralh emaw pekchhuah emaw a rem theihna turin;

Kei, MOHAMMAD AAQUIB, DISTRICT MAGISTRATE, CHAMPHAI DISTRICT chuan Section 152 Bharatiya Nagarik Suraksha Sanhita (BNSS), 2023 in thuneihna min pek angin a hnuaia khapna thupek hi ka chhuah e.

1. Champhai District District chhungah Schedule H (Doctor-in a chawhte hnen chauha hralh theih damdawi) leh Schedule X (damdawi ngaih/addict theih chi) te hi Dan lo anga zawrh leh pekchhuah khap tlat a ni.

2. Champhai District chhunga Schedule H leh Schedule X damdawi zawrhna dawr (Pharmaceutical Store) zawng zawngah CCTV vuah vek tur a ni.

He thupek zawm lo tu chu Section 223 of Bharatiya Nyaya Sanhita, 2023 hmanga hrem theih an ni ang.

He thupek hi District Magistrate Seal nemin vawiin ni 13th August, 2025 hian hming ka ziah hnan e.”