DAMPA BY ELECTION ZPM CANDIDATE TUR ? – Lalnundika Hlondo Pawih

#ZONEWS #MIMAL NGAIHDAN July 28, 2025:
ZPM Gen Hqrs chuan Dampa Bial By Election Nomination Committee an din ta rup mai.

Hming lang neuh neuh chu awm bawk mahse , heng mi Pahnih te hi ZPM Gen Hqrs Nomination Comtt – te hian an buk ber tur niin a lang.

VANLALSAILOVA : Zaithiam lar Sailova hi 2023 MLA Gen Election ah khan Dampa bial ah hian ZPM Ticket in a ding a, a vanduai ta kha a ni a. Tun ah pawh hian a buk rit ber tur zing a pakhat a nilo theilo in a lang.

A ni hi kan hriat theuh ang in Khaw 2 nei niin W Phaileng khawchhuak a ni a. Aizawl Dawrpui Veng ah a in benghel thung.

F. LALMALSAWM (Msa) : A ni hi ZNP hunlai a tanga Pu Lalduhoma lo zui char char tawh niin 2018 – 2023 Term ah khan Pu C . Lalsawivunga Personal Assistant ( P.A) niin Pu Sawia Minister a nih hnu ah pawh a Right Handman – ni chho zelin tunah hian Pu C. Lalsawivunga Minister Personal Branch ah Personal Assistant (PA) ni chho zelin Pu Sawia kutke leh mi rin ber a ni. Sorkar lai Cabinet Minister P.A ah pawh a Senior ber a ni nghe nghe. Nikum ZPM Gen Hqrs Executive thlan tum khan thlantlin a ni nghe nghe bawk a ni.

Msa hian Dampa MLA Pu Lalrintluanga Sailo damlai leh a that lai khan he bial hi lo vil tawhin 7 – 12. April 2025 khan Reiek Zone Football Tournament lo zuk Organise tawhin Khuallian ah a lo tang tawh nghe nghe a he mi tum hian Pu C Lalsawivunga Minister pawhin a tawiawm nghe nghe a ni. 29 sept – 4 Oct , 2025 chhung hian Khuangchera Grp YMA Volleyball Tournament Organise in he hunah hian Khuallian ah a tang bawk ang. I Day hian West Phaileng ah Football Tournement ah Khuallian a ni bawk ang.

Msa hi ZPM ah chuan he bial a tal na ber leh buk rit ber tur zinga mi a tih loh theihloh a. 2023 MLA Election a bial chhung ZPM Unit thenkhat te pawisa bat rulh saktu kha Sailova nilovin Msa hi a ni tlat, block inthlan pawha an senso zuk tum tu kha MSa hi a ni. Hei mai a nilo MLA neilo bial an nih a vangin Unit te in tuamhlawm na tur thleng a tum sak tu a ni.

#ZONEWS #MIMAL_NGAIHDAN HI ZONEWS NGAIHDAN A NI KHER LO