EMPOWERED COMMITTEE ON INVESTMENT TE THUKHAWM

#ZONEWS Aizawl November 3, 2025: Vawiin khan Empowered Committee on Investment te chu an Chairman Pu Lalduhoma, Chief Minister hovin CM Conference Hall-ah an thukhawm a. Kumin July ni 21 a an meeting thurel bawhzuinate an thlirlet.

Meeting-ah hian Mizoramin Full fledged Investment Promotion Agency a neih ve dan tur Planning & Programme Implementation Department-in an duan chu an enho va, state dangte kalpui dan en chunga duan a nih angin han siam rem ngaite a la awm thei nia ngaih a ni.

Mizoram Special Investment Zone hmunhma tura thli thlai mek report pawh an ngaihthla a, a rang lama chinfel ni se an ti.

Mizorama thlai thar sawngbawlna din duha rawn dil company, he committee-in a lo pawm tawh leh MoU a lo ziahpui tawh te kal zel dan pawh an sawi a. Company thenkhatten hma a lakzui nghal avangin MoU leh Mizoram Industrial & Investment Policy 2025 anga sorkarin an mamawh a lo pek ve tur; Power, Water, Fencing, Approach road leh Land Development te tihhlawhtlin dan sawiho a ni.

Meeting-ah hian Pu TBC Lalvenchhunga leh Dr. KC Lalmalsawmzauva, Adviser to CM te leh member dangte an tel a ni.