Khawzawlah District Level Vigilance Committee on Targeted Public Distribution System an thu khawm

#ZONEWS Khawzawl January 29, 2025: National Food Security Act 2013-in a phut angin Khawzawlah District Vigilance Committee on Targeted Public Distribution chu a vawikhat nan Bawrhsap leh Chairman ni bawk Pu K.Vanlalthiana kaihruaina hnuaiah an thukhawm.

Meeting-ah hian Khawzawl District a NFSA 2013 kalpui dan thlir ho niin Member Secretary & DCSO Pu C.C. Sakhawliana’n report hrang hrang a pe a. NFSA 2013 hnuaia Ration Card pahnih – Antyodaya Anna Yojana (AAY) leh Priority Household (PHH) te a sawifiah a. NFSA-in a huam loh state scheme Mizoram State Special Ration Package (MSSRP) leh Non-NFSA te pawh a sawifiah bawk a ni.

Meetingah hian NFSA hnuaia raipuar(pregnant women) te, naupang thla 6 atanga kum 3 bakah kum 3 leh kum 6 inkar te hamthatna sawi ho a ni a. Danin a phut angin an kalpui em tih chu line department chang tute nen en ho zel nise tiin rel bawk a ni.

NFSA 2013 section 15-in a phut angin mipui ten NFSA chungchanga an harsatna an thlen zung zung na tur District Grievance Redressal Officer (DGRO) atan sawrkarin a ruat tawh thu leh a nihna tur ang thlapa a function rihlo chungchang erawh thuneitu sang zawkah thlen nise tiin a rel a ni.

He committee-ah hian member hrang hrang, department hotute an tel a ni.