Kolasib ah District Vigilance Committee On Fertilizers an thukhawm

#ZONEWS Kolasib August 05, 2025: Vawiin chawhnu khan District Vigilance Committee On Fertilizers chu an Chairman leh Kolasib DC nibawk, Pu Robert C Lahmangaiha hovin Kolasib DC office Chamber ah an thukhawm.

He thutkhawmna ahhian Kolasib DC, Pu Robert C Lalhmangaiha chuan fertilizer chu leitha anih vangin a nihna ang taka miin an lo neih nana an hmang anih chuan a tha em em a , amaherawh chu a chawkluh leh a sem chhuah ah agent kaltlanga thil kalpui a nih thin avangin thil fel tawklo inrawlh theihna a tam hle a, chumi kawngah chuan kan fimkhur a tul takzet a ni, a ti. Loneitute chu sawrkarin a ngaih pawimawh takzet thu pawh sawi tel in, heng Fertilizer te hi loneituten an chanpual tur diktak an chan a, tangkai taka an hman theih nan sawrkar chuan kawng hrang hrangin hma a la a ni, a ti bawk.

He hunah hian Pu Joseph Lalnuntluanga, District Agriculture Officer in report a pe a. Fertiliser chu Mizoram in a mamawh zah estimate siam thian a ni a, chu chu dealer te kaltlangin lakluh a pek chhuah thin a ni a ti a. Amaherawhchu a lakluh leh a semchhuah kawngah hian thil kal diklo thei a awm thin avangin sawrkar chu a fimkhur takzet a ni, a ti . He an harsatna ber hi Urea niin, Urea hi IFFCO in Dealer kaltlangin an pe chhuak a, Mizoramah IFFCO Dealer awmzat hi District pasarih ah mi 11 an ni mek a ,Kolasib ah thung chuan 4 an ni, a ti bawk.

Thutkhawmna ahhian thurel pawimawh tak tak neih a ni a. Fertiliser lakluh leh semchhuah kawnga viltu, Vigilance squad chu din nghal niin, member tur pawh ruatfel nghal an ni a. Dealer te bungrua leh outlet te pawh check thin ni se tih a ni a. District danga fertilizer dan lova phurh chhuah chungchang pawh uluk taka vil ni se, check gate tin te a changtu Department kaltlanga hrilhhriat ni se tih a ni bawk. Heng bakah hian a hma thei ang berin Kolasiba Urea Dealer te chu koh a, inkawmna neih pui ni se tih a ni.

Vawiina District Vigilance committee on fertilizers thutkhawmna ahhian Kolasib DC bakah Pu David H Lalthangliana, SP, Pi B Malsawmtluangi, Addl DC, Pu Joseph Lalnuntluanga, DAO te leh Taxation, Horticulture, Excise leh AMFU aiawhte an kalkhawm a ni.