LAWNGTLAI DISTRICT LEVEL COMMITTEE ON CHIEF MINISTER RUBBER MISSION ṬHUKHAWM

#ZONEWS Lawngtlai December 19, 2025 : Vawiin chawhma dar 11:00 AM khan Pu Donny Lalruatsanga Bawrhsap leh Chairman, Lawngtlai District Level Committee on Chief Minister Rubber Mission, nibawk kaihhruaiin a Office Chamber-ah thutkhawm neih a ni.

Pu Donny Lalruatsanga chuan member kalkhawmte hnen a lawmthu sawina a nei hmasa a. Rubber chingtuten tanpui tlaka hna an thawh a pawimawh hle tiin hlawhtlinpui ngei turin a chah a. Sawrkar atanga tanpuina sum leh pai an hmuhte hnathawh nan tak tak hman a pawimawh hle tiin, taima tak a rubber ching turin a fuih a ni. Rubber chin kawngah hlawhtlina an neih theihna turin mithiam zawkte thurawn la thiam tur leh a tul anga mithiam zawkte rawn fo thin turin a chah a. Bawrhsap chuan Chief Minister Rubber Mission – hlawhtlinna chu beneficiary – te kutah a innghat thui hle tiin, thahnem ngai leh taima taka hnathawk turin a fuih nghal bawk.

Er. Andy Liansanglawma, Member Secretary, Diatrict Level Committee on CM Rubber Mission, Lawngtlai District chuan ruahmanna chhawpchhuak in, Cluster panga(5) – Tiau chhuah zau- Sangau RD Block, Vartekkai- Sangai RD Block, Phaikhang zau- Lawngtlai RD Block leh Tuiphal zau -Lawngtlai RD Block a then niin benefeciary sawmthum (30) thlan a ni. Benefeciary- te hi rubber la ching lo, a thar vek thlan an ni a, Hectare khat ah rubber kung 450 phun tura ruahman a ni. Rubber chinna tur vah chu benefeciary te hmalakna tur a ni ang a, rubber tiak leh a enkawlna tur Sorkar in kum-4 chhung atan benefeciary pakhat hnenah ₹3 lakh pek an ni ang.

District Level Committee on Chief Minister Rubber Mission, Lawngtlai District kalkhawm te chuan Cluster leh Beneficiary thlan te pawmpui in, District Officer & Member Secretary, CM Rubber Mission, Land Resources, Soil & Water Conservation Department Lawngtlai District- in Directorate lamah a thawn dawn a ni.

Vawiin thutkhawmah hian Lawngtlai District Level Committee on Chief Minister Rubber Mission Member- te an telkim tha hle a, Pu Donny Lalruatsanga chuan lawm thu sawina neiin hun a khar.