Lunglei SP-in Phairuangkai lei leh Tuichawng lei zawh ṭhin lirthei tlan dan tur ruahmanna a siam

#ZONEWS Lunglei November 19, 2025: Tun dinhmunah Phairuangkai lei leh Tuichawng lei chu uluk taka en zui reng niin, NHIDCL, PMU Lunglei Sr Manager-in report a pek danin, lirthei bungrua rit tak phurte tan he lei (bridge) hi a him tawk lo hlea hriat a ni a. Hemi chungchanga Additional Deputy Commissioner (E) & CALA (NH-302) Lunglei District, Lunglei hova meeting thu chhuak angin, mipuite leh lirtheia tei vakte’n harsatna an tawh loh nan, vawiin khan Lunglei District Superintendent of Police Pu J. Lalmuankima chuan The Motor Vehicles Act, 1988 Section 115/117 leh Government of Mizoram Notification No.B.12012/10/2004-TRP Dt. 1.6.2020 tlawh chhanin a hnuaia mi ang hian lirthei tlan dan tur ruahmanna siamin, hriattirna a chhuah.

Tuichawng leiah hian metric ton 8 aia rit bungrua phur leh a bik takin oil tanker-te tlan phal a ni lo.

Phairuangkai leiah hian Light Motor Vehicle (LMV) chin chiah tlan phal a ni.

Heng kan sawi lirthei rit phur leh tlan phal loh chin lirtheite tan hian road diversion siam ve ve a ni a, hetah hian tlan vek tur a ni.

Road diversion-a tlan tur bungraw phur motor lian laka harsatna lo siam an awm chuan dan angin action lak a ni ang.

He notification hi ni 19.11.2025 (Nilaini) aṭanga thu leh awm hma chu hman tur a ni ang. NHIDCL lam hian heng lei pahniha lirthei tlan turte lo en chianga lo vil turin duty an dah bawk tur a ni.