Mizoram Bana Kaih Scheme hnuaia Chief Minister’s Special Package Progress Partner-te tan Orientation training Siaha-ah buatsaih a ni

#ZONEWS Siaha July 29, 2025: Mizoram Hand Holding Scheme (Bana Kaih) peng pakhat Chief Minister’s Special Package hnuaia Progress Partner-te tan vawiin khan DRDO Conference Hall, Siaha-ah, Deputy Commissioner’s Office buatsaihin Orientation training neih a ni.

Siaha District Bawrhsap Pu VL Hruaizela Khiangte chuan kalkhawmte inlawmna thu sawiin orientation training chu Department-te leh Progress Partner-te tan a pawimawh hle a ni, a ti. Siaha District in Progress Partner 35 chauh a nei chu pawi a ti hle a, mipui vantlang hamthatna tura Sawrkar in scheme a duan chhuahte hmang tangkai turin bengvar chhuah thin a pawimawh takzet a ti bawk. Sawrkar scheme leh programme-te party bil bik ta emaw kan ti thin chu Sawrkar atanga hamthatna dawn tur awm te tithuanawptu lian tak a ni a, mipui vantlang tana hamthatna tur a nih angin mitin inthlahrung lovin mahni kawng theuh inhaithiam a pawimawh hle a ti. Progress Partner-te chu midangte tan kawng hawnsaktu ni se ti a duhsakna hlanin vawiin training chuan rah tha a chhuah ngei a beisei thu a sawi bawk a ni.

Pu VL Hruaizela Khiangte chuan vawiina kalkhawm progress partner-te hnenah Certificate hlanna a nei nghal a ni.

 Orientation Training hi Pi Zorinsangi, Sub Deputy Commissioner chuan a kaihruai a, ‘Overview of the Bana Kaih scheme’ tih thupui hmangin zirtirna a pe nghal. Pu Reuben T Kompa, Deputy Director, DLEO Siaha chuan ‘Introduction to Entrepreneurship & Basic Business Management’ tih thupui hmangin zirtirna a pe a, Pu Lalduatsanga Chozah, Addl Faculty, DPRC hnen atangin ‘Basic Bookkeeping’ chungchang zirtirna ngaihthlak a ni bawk a ni. Pu R Lalrinawma, District Agriculture Officer chuan fuihna thu tha tak bakah tawpkharna neiin vawiin hun hi tihtawp a ni.

Siaha District atanga Chief Minister’s Special Package dawng te hi an vaiin mi 35 an ni a, Agriculture, AH & Vety, Commerce & Industries Dept, Horticulture, Tourism leh I & PR Department hnuaia trade hrang hrang thlangte an ni.