Mizorama upa ber nia rin Pi Famiangi Kum 117, Pang khua chu tukin (July 22,2025) khan a thi.

#ZONEWS July 22, 2025: Pi Famiangi (Kum 117) Pang khua, Lawngtlai District hi khawtlang hruaituten an chhinchhiah dan chuan Kum 1908 a piang niin, Pu Huathmung leh Pi Suisung te fa niin, Pu Heinawna (L) nen inneiin fa pariat an nei a, Pi Famiangi hi Khupthum hmuin a dam a, Tu 195 neiin, Tu chhuan khatna 51 neiin, Tuchhuan hnihna 122, Tuchhuan thumna 22 a nei a ni.

Pi Famiangi hian Pathian malsawmna a dawng nasain, kum upa tak a nih thlengin a hriselna a tha viau tih khawtlang hruaitute chuan an sawi a, Kum 2023 Mizoram Legislative Assembly inthlan ah pawh Vote la thlakin, Election thuneitu lam ten chawimawina an hlan a ni.

Pi Famiangi hi taksa chaklohna in a tlakbuak ve zeuh zeuh a, a kum a lo tam deuh tawh nen amah pawh a chaklo tial tiala, tun thla July 2025 hian a chaklo zual deuh a, theihtawp chhuaha enkawl a nih hnu ah, tukin (July 22, 2025) zinglam dar 7 khan a chenna In ah a thi a ni.

Pi Famiangi Kum 117 hi vawiin khan Lairam Isua Krista Baptist Kohhran, Pro Pastor, H.Lalhimawma’n chawhnu dar 2 khan vuiin, Pangkhua Thlanmual ah phum a ni.