NH-302 Sazaikawn-Hauruang kawnga lirthei tlan theih hun ruahmanna chungchanga Lunglei SP aṭanga hriattirna

#ZONEWS Lunglei Octotber 30, 2025: NH 302 (Lunglei – Tlabung) Sazaikawn to Hauruang kawng laih zauh mek chungchangah mipuite’n harsatna an tawh loh nan leh chak taka hna thawh a nih theih nan, vawiin khan Lunglei District Superintendent of Police Pu J. Lalmuankima chuan August 27, 2025-a NH-302 (Lunglei-Tlabung) kawng laih meka lirthei tlan dan chungchanga ṭhut khawm thu chhuak angin leh The Motor Vehicles Act, 1988 section 115/117 leh Government of Mizoram Notification No.B.12012/10/2004-TRP Dt. 01.06.2020 tlawh chhanin a hnuaia mi ang hian lirthei tlan theih hun tur ruahmanna siamin, hriattirna a chhuah.

I. Sazaikawn to Hauruang kawng hawn hun:

(1) 06:00 AM to 10:00 AM
(2) 11:00 AM to 12:00 PM
(3) 02:00 PM to 03:00 PM
(4) 04:00 PM to 06:00 PM
(5) 08:00 PM to 10:00 PM
(6) 11:00 PM to 01:00 AM
(7) 03:00 AM to 04:00 AM

He thupek hian ni 01.11.2025 aṭanga 30.11.2025 thleng a huam ang. Hei hian dan leh thupek kengkawhtu Police duty, Magistrate duty, Fire & Emergency Service, Excise & Narcotics Department duty, Medical duty, Disaster Response Force, Power & Electricity Department duty, Public Health Engineering Department duty, school-a thawkte leh a bika Superintendent of Police, Lungleiin phalna a pekte chu a huam lo vang.

Kawng khar hun chhunga emergency thil avanga kal tlang mamawhte chuan he’ng a hnuaia phone number dahahte hian biak tur a ni ang:

(1) Sub-Divisional Police Officer, Lunglei – 9862256002
(2) Sub-Divisional Police Officer, Tlabung – 8730096960
(3) Officer-In-Charge, Lunglei – 8974637760
(4) Officer-In-Charge, Tlabung – 8794939934
(5) Officer-In-Charge, Lungsen – 9862814884