NH-302 Sazaikawn-Hauruang kawnga lirthei tlan theih hun ruahmanna chungchanga Lunglei SP aṭanga hriattirna thar

#ZONEWS Lunglei December 19, 2025 : NH 302 (Lunglei – Tlabung) Sazaikawn to Hauruang kawng laih zauh mek leh Hrangchalkawn leh Chhumkhum hmuna laih mek chungchangah mipuite’n harsatna an tawh loh nan leh chak taka hna thawh a nih theih nan, vawiin khan Lunglei District Superintendent of Police Pu J. Lalmuankima chuan August 27, 2025-a NH-302 (Lunglei-Tlabung) kawng laih meka lirthei tlan dan chungchanga ṭhut khawm thu chhuak angin leh The Motor Vehicles Act, 1988 section 115/117 leh Government of Mizoram Notification No.B.12012/10/2004-TRP Dt. 01.06.2020 tlawh chhanin a hnuaia mi ang hian lirthei tlan theih hun tur ruahmanna siamin, hriattirna a chhuah.

I. Sazaikawn to Hauruang kawng khar hun:

(1) 09:00 AM to 11:00 AM

(2) 12:00 PM to 02:00 PM

(3) 02:30 PM to 04:00 PM

II. Sazaikawn to Hauruang kawng hawn hun:

(1) 11:00 AM to 12:00 PM

(3) 02:00 PM to 02:30 PM

(4) 04:00 PM to 09:00 AM

Hei hian ni 20.12.2025 aṭanga 03.01.2026 thleng a huam ang. Hei hian dan leh thupek kengkawhtu Police duty, Magistrate duty, Fire & Emergency Service, Excise & Narcotics Department duty, Medical duty, Disaster Response Force, Power & Electricity Department duty, Public Health Engineering Department duty leh a bika Superintendent of Police, Lungleiin phalna a pekte chu a huam lo vang.

Hrangchalkawn leh Chhumkhum hmunah hian kawng hawn hun leh khar hun a hranin siam a ni lo va; nimahsela, kawng laih laklawh leh hna laklawh avanga motor kal tlang lawk theih loh hun a lo awm a nih pawhin he lai kawnga lirthei veivakte’n hre thiam hram hram turin an ngen bawk.

Kawng khar hun chhunga emergency thil avanga kal tlang mamawhte chuan he’ng a hnuaia phone number dahahte hian biak tur a ni ang:

(1) Sub-Divisional Police Officer, Lunglei – 9862256002

(2) Sub-Divisional Police Officer, Tlabung – 8730096960

(3) Officer-In-Charge, Lunglei – 8729829989

(4) Officer-In-Charge, Tlabung – 8794939934

(5) Officer-In-Charge, Lungsen – 9862814884