Ni 23 July 2025 chhun dar 12 khan MNF DHQ Lawngtlai chuan an office (Hnam Run)- ah Pu Lalrintluanga Sailo MLA, 2-Dampa A/C sûnna hun an hmang.

#ZONEWS July 24, 2025: Nimin chhun dar 12 khan MNF DHQ Lawngtlai chuan an office (Hnam Run)- ah Pu Lalrintluanga Sailo MLA, 2-Dampa A/C sûnna hun prog. an hmang.

He hun hi Pu C. Rongura MDC & Treasurer MNF DHQ in a kaihruai a, he hunah hian sunna hun minute khat ngawi renga neih niin, Pu Lalrintluanga Sailo MLA ina a kalsan nupui fanau te leh chhungkua te tana tawngtaisakna hun Upa K. Lawmkima Adviser MNF DHQ in a nei bawk.

Pu Lalramliana Colney ex-MDC & MNF Adviser chuan thusawiin, Pu Lalrintluanga Sailo MLA duhawm tak mai, party a mi nghet, rinawm leh pa tumruh tak mai mi MNF in kan nei hi alawmawm hle a. Vawiinah kan zingah nung damin awm tawhlo mah se, a thihna chu MNF tan channa nasa anih avangin kan sûn a, kan ui a, kan ṭapin kan rum a ni, a ti a. Pu Lalrintluanga Sailo ang mi, MLA tha tak hi Lalpan minla pe lehzel turah ka ngai a ni, a ti.

Pu Rama chuan, Pu Rintluanga Sailo chu a bialte Idol MLA anih thu leh, a bial a ngaihsaknate, a bial tana a inpekna te chu an ngai hlu hle tih a sawi a, mi thahnemngai mi thawhhlawk tak mai mi ani a, a thihna hi MNF tan channa nasa tak a ni a, kan ui tak zet a, Pu Rintluanga chu kohhrante tawngtaina dawng nasa a ni a, a hun takah Lalpa rawngbawlna sang zawka chawl turin alo ruahman tih a chiang ani, a ti a. Pa hmel duhawm tak, House a huaisen taka a ngaihdan tlang taka thusawi mi, anihna te hi a ropui takzet a ni, a ti bawk.

Pu C. Lalsawmzuala MDC chuan Legislator te aiawhin thusawina a nei a, “Pu Lalrintluanga Sailo MLA duhawm tak hi, keini MDC te hian chiang takin kan la hmelhriat vaklo pawh anihna chin a awm rualin, vawiina a thihna hian Pu Lalrintluanga Sailo MNF ina MLA kan nei hi kan va vannei em, tih a chiang a. A thihna hi MNF chuan kan sûn a, kan ui tak zet tih alang chiang hle a ni, a ti a.

A sawi zelnaah, “Pu Lalrintluanga Sailo kan MLA hi, MNF Movement a chiang mi, theihtawp chhuaha a vanglai zawng zawng a ram leh hnam tana hlantu anihna te hi a ropui a, hetiang mi MLA tana MNF in kan nei hi a ropui a, kan ni hlawh hle in ka hria a, vawiinnia a puala hun hmana MDC te kan lo kalkhawm hian kan uizia atilang chiang hle a ni, ati.

Vawiin hian MNF MDC te an tel kim hle a ni.