NIT Mizoram leh IIT Madras zirtirtu leh zirlaiten Dr. Vanlalthlana kawm

#ZONEWS Aizawl December 19, 2025 : Vawiin khan National Institute of Technology (NIT) Mizoram leh Indian Institute of Technology (IIT) Madras a thawk zirtirtu leh zirlaiten Higher & Technical Education Minister Dr. Vanlalthlana chu a pisaah an kawm.

IIT Madras leh NIT Mizoram tangkawp hian Mahatma Gandhi pianchamphaphak vawi 150-na hriatrengna atan leh Prime Minister Pu Narendra Modi-a’n a ngaih pawimawh em em New India Mission zulzuiin New India Internship (pilot) an duang chhuak a, he’ng zirna in pahniha zirlaite hian Mizoramah December ni 16, 2025 atanga January ni 10, 2026 thlengin New India Internship hi an kalpui dawn a, he internship programin a tum ber chu Mizoram chhunga thingtlang khuate harsatna leh mamawh team-ah hian IIT Madras atangin student 11 leh faculty member 3 an tel a, NIT Mizoram atangin faculty member 3 leh zirlai 21 an tel dawn a ni.

IIT Madras leh NIT Mizoram atanga rawn kalte hian Dr. Vanlalthlana chu a Department chan pathum – School Education, Higher & Technical Education leh Information & Communication Technology chungchangah an hriat duh zawhna chi hrang hrang an zawt a, minister hian tha taka lo dawngsawngin inkawhona hun hlimawm tak an nei a ni.

Dr. Vanlalthlana chuan National Institute of Technology (NIT) Mizoram leh Indian Institute of Technology (IIT) Madras te thawkho tur chu phurawm a tih thu sawiin, an zirchianna leh hmalakna ten thinglang lama zirlaite leh zirtirtute bakah, zirna kalphung hrim hrim pawhin hma a sawn phah ngei a beisei thu a sawi a. Mizoram hmasawnna atana theihtawp chhuah ngei tur leh rah tha rawn thlen ngei turin duhsakna a hlan a ni.