Saitualah PM-NAPS chungchang inzirtirna nei

#ZONEWS Saitual November 10, 2025: Vawiin khan LESDE department huaihawtin DC Conference Hall, Saitualah, District Bawrhsap, Dr. Lalngura Tlau kaihhruainain National Apprenticeship Promotion Scheme (NAPS) leh Apprenticeship Portal chungchang inzirtirna hun hman a ni.

He hunah hian Dr. Lalngura Tlau chuan thu a sawi a, zirlaite chu an lehkha zirnaah te hnathawh dan zirtir an ni lo tih a sawi a, NAPS chuan thlalaite chu an hnathawhna leh eizawnna kawng hrang hrangah a chher hriam dawn a ni, a ti. Dr. Lalngura Tlau chuan NAPS chuan Saitual District-a thalaite tan hmasawnna nasa tak a thlen tur thu a sawi a, kalkhawmte chu inhrilhhriatna hun hlawkthlak tak hmang turin a duhsakna a hlan nghal a ni.

Vawiin Awareness programme-ah hian Pi Saizampuii Sailo, Mission Manager, LESDE dept chuan PM-NAPS leh Apprenticeship Portal chungchang a sawifiah a, Pu Henry Vanlalduhsaka, support team LESDE dept chuan Apprenticeship Portal-a inziahluh dan te a sawifiahin, zawhna leh chhanna hun hman a ni bawk.

National Apprenticeship Promotion Scheme (NAPS) hi industry hrang hranga apprenticeship training neih theihna tura hmalak nan 18th August 2016 atang khan kalpui tan a ni. Hnathawktute hnenah Stipend thla khatah ₹ 3000/- thleng State pawna thawk te NER chhung leh pawnah pek a ni ang. Skill training nei hmasa lo apprentice-te Provider (BTP) te nena Basic Training Cost insem a ni ang.

Thla tin Thawhtanni vawi 2-ah PM National Apprenticeship Melas (PMNAM) buatsaih thin a ni a, candidate-te chu apprenticeshipindia.gov.in kaltlangin establishment-te nen an thlunzawm a ni

A THILTUM TE:

• Candidate leh Establishment-te inkara inzawmna siam.
• Apprentice-te tan industry exposure neih theihna hun remchang siamsak.
• MSME te chu apprentice- te inrawih tir a, productivity tihsan nana tanpui.

A HLAWKNA:
• Hnathawktute: stipend reimbursement 25% (apprentice pakhat tan thla khatah ₹ 3000 thleng).
• Apprentice: Industry lama tawnhriat bakah thiamna tihhmasawn.
• BTPs: Apprentice thar training pekna tur tanpuina (darkar 500/thla 3 chhung atan ₹7500 thleng).

DIL THEI TE
Hnathawh tur neitute tan (For Employer)
• Hnathawktu 100 zelah 2.5% atanga 15% inkar apprentice te an ruai thei ang.
• http://www.apprenticeshipindia.gov.in/ ah inziak lut tur a ni.

Hnathawkte tan (For Apprentices)
• Kum 14 aia tlem lo.
• Aadhaar & Aadhaar nena inzawm bank account neiin Apprenticeship Portal-ah an inziak lut tur a ni.
• ITI pass-out/dual-learning zirlai te.
• PMKVY/MES trainee (NATS hnuai huam lovin) te.
• Candidate thar (Fresh candidates) qualification hniam ber nei.

Basic Training Providers te tan (BTPs)
• Govt./Private ITI te, spare seating capacity nei te tan.
• In-house training facility nei establishment-te.
• Industry-in a thlawp BTP te.
• Aadhaar nena inzawm bank account neih ngei ngei tur a ni.