Serchhipah bawlhhlawh thliar hran chungchang sawiho
#ZONEWS Serchhip September 23, 2025: Vawiin khan Serchhip Town Sanitation Task Force-te chu an Chairman Pu Paul L Khuma, Serchhip DC hoin Serchhip DC Meeting Hall ah an thukhawm.
July 24, 2025 a Serchhip Town Sanitation Task Force ten an lo rel tawh angin bawlhhlawh tawih thei leh thei lo mahni in theuha thliar hrang a, a khawn ni bik a hranga siam te; bawlhhlawh khawnna point bik siam loa, a lakhawmtuten in neitute kawtkai atanga bawlhhlawh khawn te chu New Serchhipah August ni 4, 2025 atang khan kalpui tan a ni a. Serchhip khawpui chhung veng tinah bawlhhlawh thliar hran hi kalpui tura rel ni mah se, a enchhina leh mipui zirtirna ni pahfawmin pilot project angin New Serchhip VC area pahnihah kalpui chhin phawt a ni a. Vawiin meeting-ah hian Task Force member te bakah New Serchhip North leh South VCP te leh tlawmngai pawl -YMA, MHIP leh MUP President te nen he pilot project hi a hlawhtling em tih an sawiho a ni.
Bawlhhlawh sawngbawl hi PPP mode a kalpui niin Sawrkar leh Green Herd SP te an thawkho a. Green Herd SP aiawhte chuan bawlhhlawh khawn leh thliar hran chungchanga hma an lak dan te, Serchhip Town Area chhung mai ni lo, PHE kaltlangin Serchhip District chhung khaw engemawzatah an khawn thin thu an sawi a. Khua leh veng thenkhatah bawlhhlawh thliar hran hi hlawhtling taka kalpui theih a ni tawh laiin, khaw engemawzatah paih pawlh an la tam thu an sawi a. Meeting chuan uar lehzuala mipui zinga awareness campaign kalpui chu tha a ti a. Google Meet hmangin PHE leh UD&PA tangkawpten VLA zawng zawng te September 26 ah zirtir ni se, an ti a. VLA te hian Special Gram Sabha neih niah bawlhhlawh tawih thei leh thei lo thliar hran chungchang hi mipuite nasa lehzualin an zirtir dawn a. He bakah hian PHE official ten khaw hrang hrang an fan chhunzawm dawn bawk a ni.
New Serchhip area-ah hian bawlhhlawh thliar hran chu mipuiin an zawm tha thawkhat hle tih meeting-ah hian sawilan a ni a. Fel lo lai la awm bawk mahse chhunzawm zel tlakah an ngai a. Village Council President te pawhin thu sawiin bawlhhlawh khawn man te, khawn hun leh paih hun chungchanga mipuiin harsatna an tawh thenkhatte an sawi a. Vantlang bawlhhlawh bawm chungchanga harsatna an neih te pawh sawilan niin Village Council te theuhin hei hi an lo buaipui chhunzawm dawn a ni.
Meeting chuan pilot project kalpui hun chhung hi pawtseiin kum thar January thlaah ennawn leh ni se tiin an rel a. Pilot project bul tan a nih atanga vawiin thlenga kim lo leh fel lo awm te, hmaih palh awm te siam thaa, felfai leh changtlung zawka Bawlhhlawh Sawngbawl hi Serchhip khaw pumah hlawhtling taka kalpui tha an ti a. A hun tur erawh ngaihtuah nawn leh tura dah a ni.
Serchhipah bawlhhlawh thliar hran chungchang sawiho
1556/2025-2026
Dated Serchhip, the 19th September, 2025: Vawiin khan Serchhip Town Sanitation Task Force-te chu an Chairman Pu Paul L Khuma, Serchhip DC hoin Serchhip DC Meeting Hall ah an thukhawm.
July 24, 2025 a Serchhip Town Sanitation Task Force ten an lo rel tawh angin bawlhhlawh tawih thei leh thei lo mahni in theuha thliar hrang a, a khawn ni bik a hranga siam te; bawlhhlawh khawnna point bik siam loa, a lakhawmtuten in neitute kawtkai atanga bawlhhlawh khawn te chu New Serchhipah August ni 4, 2025 atang khan kalpui tan a ni a. Serchhip khawpui chhung veng tinah bawlhhlawh thliar hran hi kalpui tura rel ni mah se, a enchhina leh mipui zirtirna ni pahfawmin pilot project angin New Serchhip VC area pahnihah kalpui chhin phawt a ni a. Vawiin meeting-ah hian Task Force member te bakah New Serchhip North leh South VCP te leh tlawmngai pawl -YMA, MHIP leh MUP President te nen he pilot project hi a hlawhtling em tih an sawiho a ni.
Bawlhhlawh sawngbawl hi PPP mode a kalpui niin Sawrkar leh Green Herd SP te an thawkho a. Green Herd SP aiawhte chuan bawlhhlawh khawn leh thliar hran chungchanga hma an lak dan te, Serchhip Town Area chhung mai ni lo, PHE kaltlangin Serchhip District chhung khaw engemawzatah an khawn thin thu an sawi a. Khua leh veng thenkhatah bawlhhlawh thliar hran hi hlawhtling taka kalpui theih a ni tawh laiin, khaw engemawzatah paih pawlh an la tam thu an sawi a. Meeting chuan uar lehzuala mipui zinga awareness campaign kalpui chu tha a ti a. Google Meet hmangin PHE leh UD&PA tangkawpten VLA zawng zawng te September 26 ah zirtir ni se, an ti a. VLA te hian Special Gram Sabha neih niah bawlhhlawh tawih thei leh thei lo thliar hran chungchang hi mipuite nasa lehzualin an zirtir dawn a. He bakah hian PHE official ten khaw hrang hrang an fan chhunzawm dawn bawk a ni.
New Serchhip area-ah hian bawlhhlawh thliar hran chu mipuiin an zawm tha thawkhat hle tih meeting-ah hian sawilan a ni a. Fel lo lai la awm bawk mahse chhunzawm zel tlakah an ngai a. Village Council President te pawhin thu sawiin bawlhhlawh khawn man te, khawn hun leh paih hun chungchanga mipuiin harsatna an tawh thenkhatte an sawi a. Vantlang bawlhhlawh bawm chungchanga harsatna an neih te pawh sawilan niin Village Council te theuhin hei hi an lo buaipui chhunzawm dawn a ni.
Meeting chuan pilot project kalpui hun chhung hi pawtseiin kum thar January thlaah ennawn leh ni se tiin an rel a. Pilot project bul tan a nih atanga vawiin thlenga kim lo leh fel lo awm te, hmaih palh awm te siam thaa, felfai leh changtlung zawka Bawlhhlawh Sawngbawl hi Serchhip khaw pumah hlawhtling taka kalpui tha an ti a. A hun tur erawh ngaihtuah nawn leh tura dah a ni.
Discover more from Zonews
Subscribe to get the latest posts sent to your email.
