Mizoram Truck Owners’ Association General Secretary Pu Dina Tlau chuan kawng chhia avangin lirthei tlan tir aiin din tir a hlawk zawk tia, an lirthei din tir an tam tawh thu a sawi.
#ZONEWS July 16, 2026: Mizoram Truck Owners’ Association General Secretary Pu Dina Tlau chuan kawng chhia avangin lirthei tlan tir aiin din tir a hlawk zawk tia, an lirthei din tir an tam tawh thu a sawi.
Pu Dina Tlau chuan ,Mizoram chak lakna kawngpui, Sairang leh Kawnpui inkar chu tha lai a awm meuh lo tih sawiin Sairang pelh hret, Buichali nena inkar chu a chhiat zual thu a sawi a. Lei pawp leh rod lawr thlenga a awm thu leh heng hian an lirthei ke a tih puah nasat thu a sawi a. Kawng chhia avanga traffic jam a nasat thin thu sawiin, zinga driver te chhuk thla chu nileng a tangin zanah an tlaivar thin thu leh a tuk tlaiah an chhuah theih tawk thin thu a sawi a ni.