HITACHI IN A DELH HLUM
#ZONEWS August 03, 2025: Vawin chawhma dar 10:30 vel khan Saitual leh Tuivawl inkar, Saichal Road ah Hitachi in Operator Hussain (40), Silchar lam mi chu a delh hlum.
Hitachi hi Truck lian MZ01AA – 7971 in a phur a, Saichal lam atangin Saitual lamah an lo kal a. Saitual thlen hma, Km 8 velah Hitachi hi Truck atangin a tla a, Hitachi a chuang, NHIDCL kawng (NH02-B) laia hnathawk Hitachi Operator chu ka pawh chhawn lovin a delh hlum.
Saitual Sub – Hqr YMA Disaster Response Team te, Saituala Br hrang hrang YMA Member tlawmngai te leh khawtlang hruaituten a hmun an pan nghal a. Hitachi dang hmangin Hitachi tlu hi kuai kauin a ruang hi an la chhuak a, Saitual Damdawiinah Postmortem a ni ang a, a ruang hi an khua panpui a ni ang.
