Tribal Nula Rethei tak tak te an puih kawng a Kerela a Catholic Nun pahnih ten Jail an tan phah chu BJP Mizoram chuan pawi a ti takzet tih thuchhuah siamin an sawi.

#ZONEWS #POLITICS August 05, 2025:
Tribal Nula Rethei tak tak te an puih kawng a Kerela a Catholic Nun pahnih ten Jail an tan phah chu BJP Mizoram chuan pawi a ti takzet tih thuchhuah siamin an sawi.

Kerela a BJP State President Central Minister pawh lo ni tawh Rajeev Chandrasekhar leh a thawhpui te pawhin zan pawh mu meuh lo in Kerela Nun pahnih te jail atanga chhuah zalen an nih thuai nan hma an la a, a bul atanga a tawp thlengin Nun te tan hian an ding nghet tlat a ni an ti.

BJP Mizoram chuan Chhattisgarh a BJP State GS Sanjay Srivastava leh Narayanpur Bialtu MLA Kedar Nath Kashyap te chu phone ah bia in Tribal hmeichhe pathum leh an chhung te ngaihven turin ngen an ni tih an sawi aa. Narayanpur SDM leh Narayanpur Panchayat CEO te pawh biak niin, tribal hmeichhia harsatna tawk te Sarpanch/VCP te nen a theih dan dan a ngaihven turin an ngen bawk an ti a, thu belhchian dawl a nih leh nih loh chik loh vanga chetlakna in, tharum thawhna te hial a thlen fo thin chuan engkim a fimkhur ngaih zia a tilang chiang hle a ni an ti a.

Midang tana inpe Missionary ten Chhattisgarh a Tribal rethei te zinga an rawngbawlna hian ngaihhlut a hlawh em em a, Pathian pawhin an rawngbawlna mal a sawm a, tihdam rawngbawlna te pawh Pathian in a hmang nasa hle a ni. Chuvangin BJP Mizoram chuan Nun 2 te leh an thawhpui te tawrhna hian rah tha a chhuah zel ang tih an ring tih an sawi bawk.