VAWIIN JULY 3, 25 HI BUARPUI NU HUAISEN PI ZADINGI SAKEI CHEH HLUM CHÂMPHAPHAK NI A NI

Buarpui Mizo nu huaisen India rama huaisen chawimawina Shaurya Chakra pawh lo dawng tawh Pi Zadingi, kum 68 hi Lunglei District chhung Buarpui khua ah tunah hian a tu leh fa te nen a la awmin an la khawsa a. July 3.7.1978 kum ah khan Hreipuiin sakei a chekhlum a, Mizoram dung leh vangah India ram ah pawh sawi hlawh ber leh mite bengverh tak a niin kan la hre reng awm e. Zirlaibuah dahin kan zir hial thin a nih kha.

July 3.7.1978 a sakei chekhlumtu Pi Zadingi kum 63 W/o PC. Lalthanmawia hian huaisen chawimawina tangka pui Shourya chakra a dawng a, India President hnen atangin kum 1980 khan dawngin thla tin he tangkapui in a ken tel pawisa hi a dawng thin a, a tirah chuan Rs.40/- a la thin a. Tunah erawh Rs.1500/-ni tawhin 3000/- ah a pung leh dawn a ni

SAKEI A CHEHHLUM DAN:
Ama sawidan in sakei hreipui a chehhlum kum hian amah hi kum 27 mi chauh niin fa pahnihna tur thla 3 mi a pawmlai a ni a zingkar a thingphur tura chhuakin a fa a ngaihtuah bawk nen a thiante aia hma daih ah kalin kawngsir a a thing tan lai chu sakei thawri leh thawm a hria a, kawngthlang lamah niin hnimbuk atangin a lu chiah a rawn ti langin a rawn dak a. Tlanchhiat hman a ni tawh loh avangin a hreipui ken chu nghet taka huma inring in a rawn zuan tur chu a bekah tak alo chek a a chek fuh hle aniang sakei pawh hi a thluak a baw nuai a, bahra khurah a tla lut nghal a. Sakei pawh hian Pi Zadingi kutzungchal a ham thler sak hman hram a ni.

A sakei chehhlum hi a vun lipin an tiro a, an kawl tha reng thin a, Forest Deptt lamin laksakin Aizawla Museum-ah an dah nia a hriat thu sawiin Sakei a chehhlum ruang thlalak a neih thin pawh midangin an rukbo sak nia a rin thu sawiin kawl a nei tawh lo a ni.

Pi Zidingi July 19, 2024 khan kum 72 mi niin a boral a, an chenna khua Buarpui ( Lunglei Dist) ah vuliam a ni ta a ni.

#zonews #chanchinthar #tualchhung #mimalchanchin #pizadingi