2-Dampa (ST) AC By-Election neihna tur atan Political Party te’n training nei

#ZONEWS Mamit October 10, 2025 : Vawiin khan Taitesena Buk, DC Office-ah kan hmaa 2-Dampa (ST) AC By-Election kan hmachhawn tura Political Party te tana hriattur hrang hrangah training Pu K.Laltlawmlova, Distict Election Officer hovin neih a ni.

Vawiin training-ah hian Nomination, Scrutiny, Withdrawal of candidates, Allotment of Symbols, Election Expenditure Monitoring, Model Code of Conduct, Permissions (SUVIDHA), Complaints (cVIGIL) & other IT Applications chungchangah Candidate Agent, Election Agent leh Political te tana hriattur hrang hrangah training hi neih a ni a, inthlanna felfai leh thianghlim tak neih a nih nana an mawhphurna hrang hrangte inhrilhhriat a ni.

Training hi Pu KC Zalena, Nodal Officer for IT Applications & BDO Zawlnuam, Pu Obed Lalmalsawma ARO I & SDO (C) Kawrthah leh Pu Moses Ramdinthara, ARO 2 & BDO W. Phaileng te’n an pe a ni.

Vawiin Political Party hrang hrangte tana training neih hi Pu Malsawmzuala, Returning Officer, By- Election to 2- Dampa (ST) AC leh Pu Lalnunfela Chawngthu, Election Officer te chuan an telpui bawk.