4th National EMRS Sports Meet, Sundargarh, Odisha a neih ah Mizoram EMRS Society hnuaia school 11 aiawhte an tel

#ZONEWS November 19, 2025 : National Education Society for Tribal Students (NESTS), Ministry of Tribal Affairs hnuaia Eklavya Model Residential School hrang hrangte tana buatsaih 4^th National EMRS Sports Meet chu November ni 11 atanga November 15 chhung khan Sundargarh, Odisha state-ah neih a ni a. He hunah hian State 21 telin, infiamna hrang hrang hmang a intihsiakna neih a ni a. Mizoram a Eklavya Model Residential School (EMRS) sawmpakhat te a tang pawhin he National Sports Meet a tel tur hian zirlai naupang 70 (Hmeichhia – 23 leh mipa – 47) bakah escort 7 (pasarih) leh Contingent Manger 1 (pakhat) an zavaiin 78 Mizoram aiawhin an tel a ni.

State aiawh a kal te hi in elna hrang hrang neihah an che tha hle a, infiamna hrang hrang individual item leh team event-ah te Gold Medal – 9, Silver medal – 9 leh Bronze Medal – 6 a vaiin medal 24 an rawn hawn a ni.

Tun dinhmunah Mizoram EMRS Society, Planning & Implementation Department hnuaiah hian RD Block 11-ah CBSE Affiliated Residential School (EMRS) 11 awm mekin, zirlai naupang 2400 enkawl mek an ni a. EMRS ah hian Class VI atanga Class-XII thleng awmin, zirna leh zirna kawng a naupang mamawh te chu a thlawn vek a pek thin an ni.