Liverpool hmatawng Diogo Jota kum 28 mi chu Car accident avangin a thi

Liverpool hmatawng (forward) Diogo Jota chu a unaupa Andre nen car accident-ah an thi. Jota hian kar hnih liam ta mai khan nupui a nei a ni.

Marca-in a ziah dan chuan, Jota leh a unaupa Andre Football-a eizawng ve tho te hi Spain hmar thlang lam Zamora-ah an tlan laiin kawng atangin an tlan liam a an chesual ta a ni.

Spain-a emergency service betu, mita hmututen an sawi danin, kawngsir thlai hmuna car lo alh hluah hluah chu an hmu a, car mai ni lovin a sir vel te pawh a kang tel a, Emergency service an be nghal a ni.

Kum 28 mi Jota hian kum 2020 khan Pound Maktaduai 41 in Wolves atangin Liverpool a zawm a, Match 182-ah inlan tawhin, goal 65 a khung a. Season liam ta khan Premiere League-ah champion puiin, FA Cup, Community Shield leh Carabao cup vawihnih a chawipui tawh bawk. A kawppui, a bialnu Rute Cardoso nen June 22, 2025 khan an innei a, a nupui nen hian fa pathum an nei a ni.