ZONEWS: Central Road Research Institute (CRRI) mithiamte chuan Aizawl-Thenzawl-Lunglei kawngpui a lei leh lung sample la-in an hmunpui lamah an thawn.

#Zonews: Central Road Research Institute (CRRI) mithiamte chuan Aizawl-Thenzawl-Lunglei kawngpui a lei leh lung sample la-in an hmunpui lamah an thawn.

CRRI atang hian scientist 3 leh technician 2 an rawn kal a, June ni 26 khan Lunglei an thleng a. PWD engineer-te nen kawng an zir chiang a. Kanghmun South khua leh Pukpui inkar kawngpui hmun hrang hranga leilungte la-in Inrinni khan CRRI hmunpui-ah thawn a ni a. CRRI hmunpui-ah hian leilung sample an thawnte hi lo zir chiangin tlo zawka he lai kawngpui hi siam a nih theih na’n ni 45 chhungin kawng siam dan tur rawtna an rawn siam ang a, chutiang chuan PWD-in kawng siamna atana senso zat tur an duang chhuak dawn a ni.
June ni 19 khan Aizawla Indian Road Congress (IRC) inkhawmpui hmang tura lokal IRC president Prof. Manoranjan Parida khan Council of Scientific and Industrial Research (CSIR) hnuai a awm CRRI mithiamte’n Mizoram kawng a tlo loh chhan an rawn zir chian dawn thu a lo sawi tawh a. Kawngpui a tlo theihna atan chik taka Mizoram leilung zir chian a ngaih thu leh zirchiang tur mithiam an rawn kal dawn thu a lo sawi tawh a ni.

#zonews #chanchinthar #tualchhung