#ZONEWS: Kumin January thla atanga June thla chhungin Mizoram district 11 zingah Kolasib-ah ruahtui a tla tam ber a, Lunglei district-ah a tla tlem ber thung.

#ZONEWS: Kumin January thla atanga June thla chhungin Mizoram district 11 zingah Kolasib-ah ruahtui a tla tam ber a, Lunglei district-ah a tla tlem ber thung.

India Meteorological Department (IMD) in a chhinchhiah danin, kumin January thlaah Mizoramah ruahtui a tla lova, February thla atang khan Kolasib District leh Lengpui-ahte ruah tam vak lo a tla tan. June thla kha Mizoram hmun hrang hrangah ruahtui a tlak tam ber thla a ni a. Kumin January thla atanga June thla chhungin Mizoram district hrang hrang zingah Kolasib-ah ruah a tla tam ber a, hemi hun chhung hian ruah millimetre 1,289 point 6 a tla a, Lengpui in dawtin, ruah millimetre 1,086 point 4 a tla a, Siaha district-ah ruah millimetre 1,077 point 4, Aizawl district-ah ruah millimetre 1070 point 5, Champhai District-ah ruah millimetre 766, Mamit District-ah ruah millimetre 561 point 3, Lawngtlai District-ah ruah millimetre 515 point 6, Serchhip District-ah ruah millimetre 499, Lunglei District-ah chuan ruah millimetre 356 point 3 a tla a ni.
IMD, Aizawl Centre, Director, Pu Sudheer Kumar Dwivedi-a chuan Akashvani Regional Unit, Aizawl zawhna chhangin, kumin January thla atanga June thla inkara Mizorama ruahtui tla zat chu a lungawi thlak thawkhat a ti a, district thenkhatah chuan nikum nen khaikhinin kuminah ruahtui a tla tha hle a, hetih rual hian Champhai District leh chhimlamah te chuan ruahtui a tla tlem thung a ti a, hmun hrang hranga ruahtui tla zat danglam chhan hi sik leh sa inthlak danglam, climate change in a nghawng vang niin a sawi a, nikum nen khaikhinin kuminah chuan Mizorama ruahtui tla zat chu zaa 10 atanga 12 velin a pun a rin thu a sawi a bawk a ni.
Meteorological Centre Aizawl chuan tunkar Inrinni lo awm tur thleng khian Mizoram hmun hrang hrangah ruah sur turin a hmulawk bawk a ni.

#zonews #chanchinthar #tualchhung