#ZONEWS: KVK Khawzawlin PM-RKVY Quality Planting Material hnuaiah Khanghu leh Zawngtah tiak bakah thei tiak an sem chhuak.

#ZONEWS July 8, 2025: Vawiin Thawhlehni chawhma dar 11:00 khan Khawzawl District Bawrhsap Pu K.Vanlalthiana chuan KVK Khawzawlin PM-RKVY Quality Planting Material hnuaiah Khanghu leh Zawngtah tiak bakah thei tiak an sem chhuahna hun a hmanpui.

Senior Scientist & Head Dr. Malsawmkimi kaihhruaina hnuaiah Thlai tiak semna inhawm hi KVK training hall-ah neih niin, Pu K.Vanlalthiana, Deputy Commissioner Khawzawl District chuan kalkhawmte hnenah hian thlai tiak an lakte chu tun hun atan chauh a nih loh thu leh, tu leh fa te tana chhawrnahawm tak a la nih tur thu a sawi a, rah tha tak chhuah thei ngei tura enkawl tha turin a chah a, KVK Khawzawl te hmalakna hrang hrang Khawzawl District in a lo hmingthat pui tawh thu sawiin KVK Khawzawla thawktute kuthnathawktute tana malsawmna ni zel turin duhsakna a hlan bawk a ni.

Vawiina thlai tiak sem chhuah tur chhawp chhuah zawng zawng hi 3871 a ni a, heng zing atang hian Khanghu tiak 417, Zawngtah tiak 1700 bakah, Ser tiak chi hrang hrang Serthlum, Sisu, Sertawk Zammir leh Serfang 250 avaiin 2357 sem chhuah a ni. Huan thlai chingtute hi khaw 6 – Khawzawl, Khualen, Rabung, Neihdawn, Chawngtlai, Ngaizawl leh Khawhai atangin an kal khawm a ni.

KVK Khawzawl hian thlai tiak chi hrang hrang Quality Planting Material PM-RKVY hnuaiah sem chhuak leh zel turin hmalakna an kalpui leh mek bawk a ni.

#zonews #chanchinthar #khawzawl #kvk