#ZONEWS: Hnahthial bialtu MLA Pu Jeje Lalpekhlua’n Hnahthial District in Sustainable Development Goals (SDG) (2023 atanga 2024) inkarah District ti tha ber nihna a hauh chu lawmawm a tih thu a sawi.

#ZONEWS July 9, 2025: Hnahthial bialtu MLA Pu Jeje Lalpekhlua’n Hnahthial District in Sustainable Development Goals (SDG) (2023 atanga 2024) inkarah District ti tha ber nihna a hauh chu lawmawm a tih thu sawiin, India in kum 2047-a ram hmasawn nih a tumna atana kawng pawimawh tak a nih thu a sawi.

Pu Jeje Lalpekhlua chuan Hnahthial District tanrualna leh mipui thawhrimna ramchhunga hriat hlawha a awm chu lawmawm atih thu sawiin an hlawhtlinna chuan hmasawn zel bakah phurna tam tak a pe tih sawiin India in kum 2047-a ram hmasawn anih tumna atan kawng pawimawh tak ani tih a sawi.

NITI Aayog-in hmarchhak biala District Sustainable Development Goals (SDG) Index report (2023-24) thawhhnihna a tihchhuahah Hnahthial district chu pakhatna a ni a, District ti tha zual 10 zingah hian Mizoram atangin Champhai chu pahnihna niin Kolasib chu pakuana a ni bawk a. Mizoram, Sikkim leh Tripura te chuan hmahruaitu Front Runner Status an kai pha tawh a. Heng state pathumte hian Aspirant category awm district an nei tawh lo a. DSDG Index report ah hian Northeast Region-a district 121 dinhmun tarlan a ni.