#ZONEWS July 9, 2025: Champhai DC Pu Mohammed Aaquib chuan tun hnaia Myanmar atanga raltlan, Saikhumphai leh Vaphaia mite chu nimin khan tlawhin an harsatna tawh mekte a tahtawla sutkian sak a tum thu a hrilh.

Champhai DC hian Chin Naion Defence Force (CNDF) leh Chin National Army te tunlaia Vaphai ram kianga an inkah thin vanga Myanmar atanga raltlante chu Vaphai leh Saikhumphai ah tlawhin, Inthiarna, ei leh bar, damdawi leh khawsakna tur hmunhma buatsaih sak an nih tur thu hrilhin, sawrkar atanga tanpuina awm thei turte chu vawiinah Vaphai leh Saikhumphai ah thawn thlen hman beisei a nih thu a sawi.

Vaphai khuaah raltlan mi 80 vel awmin Saikhumphaiah hian mi 700 chuang zet raltlan an awm a, raltlan hi an luh belh zelin a then chu mimal inah thlen darh tir an ni a, Myanmar Sipai leh CNDF sipai tlan lut te chu Saikhumphai Health Sub Centre ah dahkhawm an ni a, Mizorama rawn luh tum mi 4, Ṭiau luia tlahlum te ruang chu Farkawn leh a chhehvel khua ten an zawng mek a ni.

#zonews #chanchinthar #tualchhung #zofate