LPS Youth Icon atanga rawn lar chhuak J.Lalrosanga (RS-A) chuan Pathian fakna hla chauh sa turin thutlukna a siam fel ta.

#ZONEWS July 12, 2025: Mizo thalaite mai ni lo nu leh pate duh rawn, J. Lalrosanga (RS-a) chuan Pathian fakna hla chauh sa turin thutlukna a siam fel ta a. USA lamah rawngbawlin a awm mek a, Pathian kohna chhanga Pathian hnena a inhlan thar hi ZONEWS chan kan lawmpuiin duhsakna kan hlan a ni.

Kan hriat angin J.Lalrosanga hi Youth Icon hnuhnung bera “Fuh chiang lo maw” rawn lar puitu a ni a. A larzia leh duhsakna a dawn zui nasat zia chu kan hriatpui vek awm e. Chapchar Kut hmang turin USA lamah Lalhriatrengi (Lilac) nen an chhuk dun a. US chhunga state hrang hrangah Pathian fak hla saa zaiin an kal kual nasa hle a. Frederick Lalrindika te rawngbawla kal nen an intawng a, Pathian pawlna nasa zawk changin, Pathian hla chauh sa a, Pathian rawng chauh bawl turin thutlukna a siam ta a ni.

“Tuna ka larna hi, kan larnate, mi min lo hriat vena te hi a hlu teh meuh mai. Hengte hi Pathianin a lo duh em em mai a. Love song kha a va sual e ka tihna a ni lo a, amaherawhchu, ka thinlungah thil danglam a lo awm avang khan, Pathian aw a ni tih ka hai lo a. A tir khan ka huaisen ngam lova, amaherawhchu,U Frederick-a te camp-ah te US lamah kan han lut ve a, an hnen atangin thu tam tak kan huaisenna turte kan han ngai thla a. Ka phak ang tawk tawk a, Pathian chawimawi hi ka duhber a ni tawh a ni.” – J. Lalrosanga

#zonews #mimalchanchin #jlalrosanga #rsa #fuhchianglomaw