The Mizoram (Maintenance of Household Registers) Bill 2019 chu kum 6 hnuah President pawmpuina hmuh a nih theih nan Sawrkar laipui chuan hma a la dawn.

#ZONEWS July 12, 2025: The Mizoram (Maintenance of Household Registers) Bill 2019 chu kum 6 hnuah President pawmpuina hmuh a nih theih nan Sawrkar laipui chuan hma a la dawn.

Chief Minister Pu Lalduhoma chuan tun hnaia New Delhi a zinna-ah Union Home Minister hmu in Pu Amit Shah hian The Mizoram (Maintenance of Household Registers) Bill 2019, President of India hnena la tang mek chu President pawmpuina hmuh a nih vat theihna tura a lo bawhzui tur thu a sawi a, heng bakah hian thil pawimawh hrang hrang Mizoram hmasawnna tur an sawi bawk.

The Mizoram (Maintenance of Household Registers) Bill hi sawrkar hmasa hunlai kum 2019 March ni 18 khan khatih laia Chief Minister Pu Zoramthanga kaihhruaiin Assembly thutkhawmah pass a ni a, a hunlaia Larsap Jagdish Mukhi chuan bill chu ramdang mi chungchang kaihhnawih a nih avangin President hnenah a lo thawn tawh a ni.

Chief Minister hlui Pu Zoramthanga chuan kum 2019-a Bill a pharh na-ah The Mizoram (Maintenance of Household Registers) Bill chu state sawrkar in awlsam taka ramdang mi leh tualchhung mi an hriat hran theihna tur ani a ti a, dan lova lo lut te leh state thenawm atanga dan phalloha lo lut te enfiah na tur awlsam ani tih sawiin hei hi tualchhung mi tan a tangkai dawn tih a sawi bawk.

#zonews #sawrkar #tualchhung