GOVT. AIZAWL NORTH COLLEGE (GANC) FRESHERS’ SOCIAL CUM 25TH ANNUAL MAGAZINE RELEASE FUNCTION AN HMANG; H&TE MINISTER-IN A HMANPUI

#ZONEWS July 16, 2025: Higher & Technical Education Minister Dr. Vanlalthlana chuan vawiin khan Government Aizawl North College Freshers’ Social cum 25th Annual Magazine Review chu Vanapa Hall-ah khuallian niin a hmanpui a, Annual Magazine ‘Parfung’ a tlangzarh bawk.

Khuallian Dr. Vanlalthlana chuan zirlaite chu mi hmuh loha an beih fan fan chuan hmuh theihah chawimawina an hmu ang a, midangte tana malsawmna an lo ni thei dawn tih a sawi a. Vawi tam tak an hlawhchham hnua khawvel hriata mi hlawhtling tate chanchin sawiin, hlawhchhamna an tawh chang pawha beidawng lo turin a fuih a. Minister chuan puitlinna kawng thar zawh tura inbuatsaih te, theih china kohhran leh khawtlanga inhman leh zirtirturte nena inkar tha neih a pawimawh thu sawiin, zirlaite chu an kal zelna tur atan duhsakna a hlan a ni.

GANC Principal Dr. Saroj Laldinpuii pawhin zirlai tharte chu lawmin, college an kal chhan ngaihtuah chianga puitlinna kawng leh nun dan tha zirna atana hmang turin a chah a.

Pu Lalmalsawma Sailo, Ramhlun North Local Council Chairman pawhin zirlaite fuihna thu a sawi bawk a ni.

GANC Freshers’ Social hi GANC Students’ Union-te buatsaih niin, Pu Lalthanzuala, Asst. General Secy. chuan kalkhawmte lawmna thu a sawi a. GANC Mizoram College Teachers Association (MCTA)-te chuan zirlai tithate chawimawina hun an nei a. General Secy. Pu Lalruatpuia atangin report ngaihthlak a ni a, Vice President Pu R. Lalzarmawia’n lawmthu sawiin hun a khar a ni.

He huna zirlai titha chawimawite chu a hnuaia tarlante hi an ni.

Teachers Award 2025:

University Rank Holders:

1. Shristi Lalruatmawii Chinzah d/o Supreme Lalbiakmawia Chinzah Roll no. 2205BA407 (English Core) 4th Position (A+ Grade) – Prof R. Lalnuntluanga Award
2. Lalhriatpuii d/o Lallungmuana Roll no. 2205BA199 (Mizo Core) 6th Position (A+ Grade)
3. Lalchhanchhuahi d/o B. Rinawma Roll no. 2205BA170 (History Core) 10th Position (A+ Grade)

Teachers’ Award for National Medalist:

Lalramsanglian Vaiphei (Roll No 2405BA154) 2nd Semester English Major – Gold Medalist at INDIA’S BIGGEST 6th NATIONAL MUAY THAI CHAMPIONSHIP held at Rohtak, Haryana during 19 – 14th June 2025 in Bantam Weight Senior (60 kg) category

Teachers’ Award for State Medalist:

Lalzarzova (Roll No.2205BA315) 6th Semester Education Core – Gold Medalist at the 19th Mizoram Open Taekwondo Championship 2025 held during 18th – 19th March 2025 in the Kyorugi Senior under 80 kg category.