Saitualah CM Special Package hnuaia grant sem tur leh orientation training neih dan tur rel

#ZONEWS July 16, 2025: Vawiin khan DC Conference Room, Saitualah Pu Lalthakima Chhangte, SDO(S) kaihhruainain CM special package hnuaia Bana kaih progress partner te tana District Level Orientation training neih dan tur leh puihna sum fai (grant) pek chhuah dan tur relin thu khawm.

He hunah hian Pu Lalthakima Chhangte, SDO(S) chuan thu sawiin, CM Special Package dawng theia an awm chu lawmawm a tih thu a sawi a, progress partner te tan orientation training buatsaih a, grant sem chhuah a ngai dawn a ni, a ti. SDO (S) chuan progress partner te vil zui chu line department theuh te mawhphurhna a ni tih sawiin, sawrkar flagship programme pawimawh tak Bana kaih policy chu a hlawhtlin ngei theih nan mi tinte kan pawimawh a ni, a ti a, theih tawp chhuah zel turin kalkhawmte chu a sawm nghal a ni.

Planning and Implementation Department (P&PID) chuan CM Special package hnuaia progress partner te puihna sum fai (grant) chu line department teah a sem ang a, an niin progress partner te hnenah Direct Benefit Transfer hmangin an lo sem chhuak leh dawn a ni. Orientation training hi July thla chhunga neih tur a ni a, line department theuh te hian an hnuaia progress partner te hi an vil zui dawn a ni. Grant pek chhuah a nih atanga thla 2-ah endikna (inspection) neih a ni ang a, thla 6 hnuah thlalak te nen inspection hi kalpui leh a ni ang.

Saitual District-a department hrang hrangin progress partner an neih dan te chu hengte hi a ni: Agriculture-10, AH & Vety- 25, Commerce & Industries- 62, Fisheries-16, Horticulture-18, LRS&WC- 1, Sericulture-3. Avaiin mi 135 an ni.

Vawiin thutkhawm hi Pu Lalthakima Chhangte, SDO(S) chuan a kai hruai a, line department aiawhte leh bank hrang hranga branch manager te an tel a ni.