Miss Grand India 2025 1st Runner up Vanlaltluangi Chawimawina hun Social Welfare Minister-in a hmanpui

#ZONEWS July 18, 2025: Vawiin khan Social Welfare, Women and Child Development Minister Pi Lalrinpuii chuan I&PR Auditorium a Miss Grand India 2025 1st Runner Up Vanlaltluangi chawimawina programme chu khuallian niin a hmanpui.

Minister Pi Lalrinpuii chuan Vanlaltluangi chu a hlawhtlinna chanah a lawmpuina thu sawiin, midang tana entawntlak ni zui zel tura chah in a duhsakna a hlan a. Ruihhlo ngaite a vei zia chu lawmawm tiin, Mizoramah ruihhlo avanga chhungkaw tam tak an buai avanga sorkar pawhin a do kawnga ngawrh taka hma a lak thu a sawi zui a. Ngawlvei, kal mai na tur hrelo te tan ‘Hulhhliap’ te din a hmalak a nih dan te a sawi bawk a ni.

Minister hi Women and Child Development Dept. Joint Secretary Pi Lalnunthari, I&PR Joint Director Pi Mina Zoliani leh official dangten an tawiawm a ni.