India leh Myanmar inkalpawhna tur Kaladan Multi-Modal Transit Transport Project (KMMTTP) chu kum 2027 atangin hman tan a ni dawn

#ZONEWS July 18, 2025: Union Minister Sarbananda Sonowal chuan India leh Myanmar inkalpawhna tur Kaladan Multi-Modal Transit Transport Project (KMMTTP) chu kum 2027 atangin hman tan a ni dawn tih a sawi.

Union Minister hian kar hmasa khan Guwahati khawpuia Press Conference ah he thu hi sawiin hmarchhak bial hmasawn nan sawrkar laipui chuan nasa takin hma a la a ti a, KMMTTP Kawngpui India leh Myanmar inkalpawhna chu kum 2027 ah hman tan ani dawn tih sawiin hei hian hmarchhak bial hrang hrang chu ramchhung hmun dangte nen awlsam zawka inpawhna a siam thei dawn a ti a, Aizawl leh Kolkata inkar pawh km 700 laiin a tawi phah dawn tih sawiin hmasawnna lian tak a thlen dawn tih a sawi bawk.

Union Minister chuan Myanmar-a Sittwe lawng chawlhna hmun chu peih fel tawh ani a ti a, a pumpuia KMMTTP Project chu kum 2027 ah an peih fel vek dawn tih sawiin tuipui hmanga inkalpawhna hrang hranga hmasawnna a awm theih nan theihtawp chhuah a ni a ti a, hmarchhak bial chu ramchhunga eizawnna hnar pawimawh tak ani tih sawiin ramdang nena insumdawn tawnna kawng pawimawh tak ani tih a sawi.