Serkhan leh Bagha inkar hmun thenkhat a lirthei tlan dan khuahkhirhna chungchanga Kolasib District Disaster Management Authority Chairman thuchhuah

#ZONEWS July 19, 2025: Vawiin khan Kolasib District Disaster Management Authority Chairman leh Kolasib DC nibawk Pu Robert C Lalhmangaiha chuan Serkhan leh Bagha inkar hmun thenkhat a lirthei tlan dan khuahkhirhna chungchangah a hnuaia tarlan ang hian thupek a tichhuak:

Serkhan-Bagha road, Bukpui – Thingthelh inkar leh Thingthelh – N Hlimen inkarah leimin avangin kawng a tlabal a. Kawng hi a chhiat zel loh nan leh lirthei veivakte him zawkna atan helai kawng a lirthei tlan dan khuahkhirhna siam tha a hriat a ni a.

Chuvangin, Pu ROBERT C. LALHMANGAIHA, Deputy Commissioner & Chairman, District Disaster Management Authority, Kolasib District chuan Sec. 34(c) Disaster Management Act, 2005 in thuneihna a pek angin a hnuaia mi ang hian thupek a chhuah : –

He thupek zawm lo chu Disaster Management Act, 2005 angin hrem an ni ang.

Serkhan – Saipum inkarah lirthei LMV leh a huai lam chauh kal phal a ni. Lirthei lian kal phal a ni lo.