BIALTU MLA PU RAMTHANMAWIA PUIHNAIN SAMTHANG ZIKHLUM CHINGTUTEN VAWIIN HIAN ZIKHLUM PHURH CHHUAH RUNPUI AN NEI.

#ZONEWS July 21, 2025: Pu Ramthanmawia, MLA 25 East Tuipui Assembly Constituency chuan a bial chhung Samthang khuaa Zikhlum chingtute hnenah an Zikhlum thar phurhna senso atan cheng singnga a pe.

Bialtu MLA Pu Ramthanmawia hian a bial chhung khaw 25 a thihna leh chhiatna a thlenin party lam sawi lovin a tih theih chinah a che chhuak vat ṭhin a, bial chhung mipui ten an thlamuanpui khawp mai.

Kan hriat angin Champhai district chhunga Samthang khuaa Zikhlum chingtute hian kum 27 zet Fur Zikhlum an lo ching tawh a. Kumin hi an chin tam kum leh an thar tam kum aniin a hralhna lamah harsatna an tawk a; Zikhlum quintals 2000 chuang a ṭawih chhe tawhin a ṭawih mek zel a. Hetih lai hian Vegitable Supply Chain system a kalpui anih loh avang leh phai aṭanga lo lut dan anih loh avangin Aizawl lama kharchhawng / commission ten Bazarah an duh zat zat chhiarin an zuar a, Samthang aṭanga an lakna hi cheng sawmpanga (₹ 15/-) chauh a ni thung.

Bialtu MLA Pu Ramthanmawia hian kumdangah pawh Samthang Farmers Society te a lo pui tawh ṭhin a, Samthang aṭanga Aizawla phurh thlakna senso hautak zet phuhruk nan ₹ 50000/- (Singnga) a pe a ni.

Vawiin ni 21.07.2025 thawhṭanni hian Zikhlum ṭhahnem tak thawn chhuah runpui neih a ni a, ni 24.07.2025 nilaithawhṭan ah thawn chhuah leh a ni ang. Vawiina Zikhlum thawn chhuah runpui hi Aizawl panpui ani anga, Tuikual N YMA Hall panpui anih hnuah veng hrang hrangah sem chhuah a ni ang.

Aizawl City branch YMA Bethlehem Vengthlang te, Mission Veng te, Luangmual ten Samthang Zikhlum an zawrhsak tur thu kan tarlang tawh a, heng a hnuaia kan tarlan Aizawl City branch YMA ten Mizo tlawmngaihna aṭangin Samthang Zikhlum hi an lo zawrhsak dawn a ni.

Tuikual N Branch YMA
Bethlehem Branch YMA,
Republic Branch YMA,
Luangmual Branch YMA,
Zonuam Branch YMA,
ITI Branch YMA,
Chaltlang Branch YMA ten vawiin ni 21.07.2025 thawhṭan tlaia Aizawl rawn panpui, ni 22.07.2025 thawhleh zinga lo thleng tur hi an lo kutken dawn a, Mission Veng leh Bethlehem Vengthlang ten ni 24.07.2025 nilaithawhṭan ah an lo kutken leh dawn a ni.

Vawiin ni 21.07.2025 hian Motor 10 dawn hmangin Aizawl panpui a ni ang a, ni 24.07.2025 ah thawn chhuah runpui neih leh a ni ang.