LAWNGTLAI BAWRHSAPIN CHHIMTUIPUI GROUP YMA HNENAH CHHIATRUPNA LO THLENA HMAN TUR HMANRUA A HLAN

#ZONEWS July 22, 2025: Vawiin khan Pu Cheemala Siva Gopal Reddy, IAS, Lawngtlai Bawrhsap leh Chairperson, District Disaster Management Authority (DDMA) nibawk chuan Chhimtuipui Group YMA hnenah chhiatrupna lo thlen a hman tur hmanrua a hlan.

Pu Cheemala Siva Gopal Reddy, chuan chhiatrupna lo thlenin, sawrkar leh NGO ten thawhhona tha neih a pawimawh tak zet tiin, hmalam hunah pawh thawhhona tha zawk neih zel a pawimawh hle a ti a. Disaster Management & Rehabilitation (DM&R) chuan chhiatrupna lo tlena hman tur hmanrua chi hrang hrang a pechhuak thin a, heng hmaruate tangkai taka hman a nih theih nan uluk taka enkawl zui pawh a tul hle a ti. Bawrhsap chuan Mizoram chu ruahtui thlak tamna niin, a ram leilung a nghet lo em em bawk a, chhiatna thleng thei reng a nih avangin mipuite in râl rin reng a pawimawh hle a ti. Chhiatna lo thlen chânga NGO te chhanchhuah hnathawh fakawm a tih thu tarlangin, tuna hmanrua hlante pawh tangkai taka hmang turin a chah nghal bawk.

Chhimtuipui Group YMA hnenah hian Life jacket- 4, Silpaulin- 2, Safety helmet – 5, Hruizen lian- 3, Lenkhangpui- 1, leh Torchlight – 2 hlan an ni a. Hmanrua hlan tak te hi YMA, Kawlchaw West Branch ten Chhimtuipui Group YMA aiawhin an dawng a ni.

Vawiin hun hmannaah hian Pu Lalhruaizela (SDC), Pu Lalrindika (SDC), Pu Lalchhanhima, District Organiser, DM& R leh YMA, Kawlchaw West Branch, hruaitute an tel thei a ni.