MIZO HIGH SCHOOL FIELD SAK ZAWH HUNA ENKAWL ZUI TURIN GAD RUAT AN NI.

#ZONEWS July 22, 2025: Vawiin khan CM Conference Hall-ah Chief Minister Pu Lalduhoma hovin Mizo High School Field chungchang sawihona meeting neih a ni a. Pu K. Sapdanga, Home Minister, Dr. Vanlalthlana, Education Minister, Pu Lalnghinglova Hmar, Sports Minister leh official pawimawh te leh Zarkawt khawtlang hruaitute an tel.

Chief Minister chuan, Mizo High School Field, Aizawl Smart City Ltd sum Rs. 1800 lakh senga thawh mek hi zawh a nih hnua a enkawlzuitu tur hi dan ang thlapa sawrkarin a din a tul tawh a, chu mi ngaihtuah tur chuan meeting hi koh a ni, a ti.

Meeting hian a ram neitu General Administration Department (GAD) kutah hian a enkawl zui hna hi awm se, a tul angin GAD hian a enkawl dan tur chipchiar lo duang mai se, an ti.

Hnathawh mek chungchang pawh an sawi bawk.