Aizawl District Sports Festival chungchang ngaihtuahin an thukhawm

#ZONEWS July 23, 2025: Aizawl District Sports Committee (ADSC) chu an Chairman Er. Lalhriatpuia, DC ni bawk hovin vawiin khan DC Conference Hall-ah an thukhawm a, Aizawl District Sports Festival huaihawt chungchang an sawiho a ni.

Vawiin meeting hunh masa lama an lo rel tawh kum 2025-2026 chhunga ADSC hnuaia Sports Association tin te huap “Aizawl District Sports Festival” buatsaih achungchang an sawiho a, Aizawl District bawrhsap, ADSC Chairman ni bawk kaihhruai turin Organising Committee an din a, Fund Raising Committee leh Publicity Committee an din nghal bawk a ni. Sports Festival hi kumthar 2026 zirlaite Board exam chawlh laia neih tura ruahman chhin a ni.

Organising Committee hian a tul angin member an ruat belh bakah Sub-Committee dangte an la ruat leh dawn a, ADSC hnuaia Sports Association hrang hrang ten Aizawl District Sports Festival neih tura an discipline senso tur budget an ruaghman te pawh thlirho a ni bawk.

Aizawl District Sports Committee hnuaiah hian heng a hnuaia Sports Association hrang hrang te hi an awm a ni :-

1. Aizawl District Karate Association
2. Aizawl District Aquatics Association
3. Aizawl District Body Building & Fitness Association
4. Aizawl District Hockey Association
5. Aizawl District Teakwondo Association
6. Aizawl District Athletics Association
7. Aizawl District Badminton Association (South)
8. Aizawl District Badminton Association (Central)
9. Aizawl District Badminton Association (North)
10. Aizawl District Boxing Association11. Aizawl District Chess Association
11. Aizawl District Football Association
12. Aizawl District Judo Association
13. Aizawl District Kick Boxing Association
14. Aizawl District Rifles Association
15. Aizawl District Table Tennis Association (North)
16. Aizawl District Tug of War Association
    18.Aizawl District Volleyball Association
17. Aizawl District Weightlifting Association
18. Aizawl District Wrestling Association
19. Aizawl District Wushu Association

ADSC Chairman Er. Lalhriatpuia chuan Aizawl District Sports Festival chu infiamna chawisanna tur a nih piah lamah thalaite ruihhlo laka an talbuai tur chhanchhuahna kawnga hmalakna pawimawh tak a ni dawn a, rilru leh taksa hrisel an vawn reng theihna tura hmalakna pakhat a ni tel dawn tih a sawi a, ADSC member te chu an rilru leh ngaihtuahna seng nasa tur leh anmahni pawh inthuam tha zel turin a chah a ni.

Meetingah hian District Sports & Youth Officer leh ADSC Secretary ni bawk Pu Lalngilneia Colney bakah ex-officio te leh memberte an tel a ni.