Serchhipah raltlante chhinchhiahtu tur District User te tan training buatsaih a ni.

#ZONEWS Serchhip, July 23, 2025: Myanmar atanga raltlante biometric enrollment hmanga chhinchhiah an nih tawh dawn avangin vawiin khan Serchhip District ah a mawhphurtu turte tan ‘District User training for Biometric Enrollment of Displaced Persons’ neih a ni. He training Serchhip DC Meeting Hall-a neih hi Nodal Officer Pu Vanthangpuia, SDC chuan a kaihruai a ni.

Raltante hi an awmna hmunah va kal chilhin an Biometric Data lak tur a ni a. SP Office aiawha kal Pu RK Lalremruata chuan powerpoint presentation hmangin District User ruat thar te hnenah Foreign Identification Portal-a chhinchhiah dan tur a zirtir a. Hmel leh kutzia (fingerprint) lak dan leh khawl hman dan te inzirtirna neih a ni bawk.

Training ah hian District User tura ruat mi paruk te chu kim takin an kal a. Biometric Enrolment hi tun atanga hun reilote ah hian kalpui tan tum a ni.