‘Lunglei Ni’ Organising Committee ṭhut khawm vawi 2-na buatsaih a ni

#ZONEWS Lunglei, July 23, 2025: Lunglei Municipal Council (LMC) ruahmannaa ‘Lunglei Ni’ hman tur atana LMC Executive Council-in hma latu tur Organising Committee a din chu vawiin khan Lunglei Convention Centre-a LMC BoC Meeting Hall-ah a ṭum hnih nan an ṭhu khawm.

Organising Committee ṭhut khawm hi Chairman, LMC Chief Executive Officer (CEO) Pu Donny Lalruatsanga’n a kaihruai a. Co-chairman, Lunglei Sub-Headquarters YMA President Pu K. Lalfakzuala leh Secretary, Sub-Headquarters YMA Secretary Pu Zothanzuala Hnamte te bakah, member-te — sawrkar official, pawl hrang hrang ai awh leh Lunglei mi challangte an tel.

Organising Committee chuan Lunglei Ni buatsaih tura mawhphurhna hrang hranga hma la tur committee peng 10 — Souvenir, Media & Publicity, Ushering & Reception, Refreshment, Event/Activities, Programme, Decoration, Light & Sound, Sanitation leh Traffic & Security committee-te dinin, mawhphurtu puipa ruat nghal an ni a. Committee-te hian a ṭul anga member inruat belhin, August ni 14 hmain Organising Committee-ah pawmpui turin theh lut se, tih a ni a. Committee peng puipaa ruat zinga Organising Committee member la ni lote chu member-ah seng luh ni se, tih a ni bawk.

Organising Committee chuan mei mit lova Lunglei din ṭan hun nem ngheh nan National Archive-ah lehkha pawimawh leh chhinchhiahna hluite hai a, zir chian hnuah, Lunglei Ni hman ni tur chu tihchian ṭha an ti a. Hun hman dan tur chungchanga mipui ngaih dan leh rawtna khawn mek a nih thu leh rawtna a la luh belh zel thu ṭhut khawmah hian tar lan a ni a. Rawtna thlen duh tan link tar lanah hian theh luh theih a ni:

Rawtna thlenna thehluhna form