CHAMPHAIAH SEL HEL DAWR (GRAM DUKAN) HAWN A NI

#ZONEWS Champhai July 25, 2025 Zirtawpni: Vawiin khan Champhai RD Block BDO Dr. Vanlalnunpuii Ralte chuan MzSRLM leh NABARD tang kawpa sak, GRAM DUKAN – SEL HEL Dawr, Mualkawi ami chu a hawng a, he hun hi Pi Lalremruati Khawlhring Block Mission Manager, Champhai RD Block chuan kaihruaiin PC Lalruatsanga Cluster Coordinator, Champhai RD Blcok chuan technical report a pe a ni.

BDO Dr. Vanlalnunpuii Ralte chuan thusawin GRAM DUKAN – SEL HEL Dawr hawn thei tura peih fel a ni chu lawmawm a tih thu a sawi a, SHG leh an kalphung chu tha a tih thu sawiin thingtlang nu ten an phak tawk a eizawnna an lo neih ve theihna, rahbi thar an rah ve theihna leh SHG chu hmeichhia te dinhmun chawisanna atana hmanraw pawimawh tak a nih thu sawiin an thlen chin atanga hmasawn zel turin a fuih a ni.

Pi Lalhmachhuani, District Development Manager NABARD Champhai chuan thu sawiin SHG te nen Gram Dukan Scheme an ti hlawhtling thei chu lawmawm a tih thu a sawi a, SHG te hamthatna tur NABARD Scheme hnuaia haichhuah tur tam tak a la awm thu leh thawhhona tha zawk nena hmalak zel a duh thu a sawiin puih tlak ni tura rinawmna leh taimakna nena thanhnem ngai taka hnathawk turin a sawm bawk a ni.

Vawiina SEL Hel Dawr hawn hi NABARD hnuaia Gram Dukan by SHG Scheme hmanga sak niin NABARD sum cheng nuai 3.73 leh MzSRLM sum cheng 50,000 avaiin cheng nuai 4.23 hmanga sak a ni a, February ni 12, 2025 khan sak tan niin July ni 18, 2025 khan zawh fel a ni. Gram Dukan MZSRLM Champhai RD Block hnuaia Champhai South CLF chu he dawr an enkawl dawn a ni.

Gram Dukan Hawnna ah hian Self Help Group te nen inkawmhona neih niin Pu Vanlalruata, Livelihoods Coordinator Farm ten Lawmthu sawi hun a khar a ni.