MINISTER LEH MLA TE TAN BANA KAIH SCHEME SENSITIZATION PROGRAMME BUATSAIH A NI

#ZONEWS Aizawl July 25, 2025 Zirtawpni: Mizoram Sorkar flagship scheme Bana Kaih (Handholding) chungchangah sorkar hotute tan vawiin khan Leadership Sensitization Workshop chu P&PID Conference Hall-ah buatsaih a ni a. He hunah hian Minister/ MLA leh Corporator te an tel a. Bana Kaih Scheme kalpui zel dan tura pawimawh tih te sawiho a ni bawk.

He Leadership Sensitization Workshop hi Mizoram State Policy Coordination Committee (MSPCC) Vice Chairman Dr. KC Lalmalsawmzauva chuan kaihruaiin, MSPCC Member Secretary Pu Lalmalsawma Pachuau chuan Handholding Scheme hnuaia hmalakna awm tawh te report pe in, CM Special Package dawng tur mi 2257 leh Loan la tur mi 646 thlanchhuah a nih thu a sawi a. Member Pu LP Lalchangkima chuan presentation pe in sawihona neih chhunzawm a ni.

Vawiin workshop-ah hian scheme hnuaia loan component ah chungchangah, Bana Kaih Scheme hnuaia loan hrang hrang te chu loan scheme awm sa te nih mahse dahkham tur an neih loh avang te, a pung rulh an huphurh thin avang te in tam tak chuan an lak ngam loh phah thin thu sawi niin, Bana Kaih Scheme hmang hian Sorkar chuan loan pung rulh ngai lova, dahkham tur pawh tum sak in a mamawh tute tan loan a lak sak dawn a nih thu tarlan a ni.

He programme-ah hian chak zawka Scheme kalpui zel a nih theih nan a hmalak dan tur hrang hrang te, scheme chungchang inhrilhhriatna kalpui dan leh thu pawimawh dangte sawiho a ni bawk. Programme hi MSPCC Member Pu Zohmingthanga chuan lawmthu sawiin hun a khar a ni.

Bana Kaih Scheme hnuaia CM Special Package dawng tura thlan te hnenah July 2025 thla chhung hian sem zawh vek tum a ni a. Loan component pawh dilna hawng leh thuai tura ruahman a ni.