Samvidhan Hatya Diwas pualin Govt. Champhai College-ah, Champhaiah exhibition neih a ni

#ZONEWS Champhai July 25, 2025 Zirtawpni: Sawrkar laipuia Ministry of Culture in June Ni 25 chu Samvidhan Hatya Diwas (Constitution Murder Day) a a lo puan tawh behchhanin Champhai District-ah pawh he ni pual hian vawiin khan Govt. Champhai College ah hman a ni.

Samvidhan Hatya Diwas puala exhibition buatsaihah hian India ram indin chhohna kawnga mipuite duhthlanna dah pawimawh a nih ṭhin dan te, ram zalenna sualtute sulhnu thenkhat bakah Kum 1975 National emergency puan a nih lai chanchin thenkhat phochhuah a ni. Zirlai naupangte bakah mipui tam takin he exhibition hi chhimin signature board an tarah an hming an ziak theuh bawk a ni.

Samvidhan Hatya Diwas hi Kum 1975 June ni 25 ah India ram Prime Minister Pi Indira Gandhi in Article 352 hnuaia Emergency a puan champha hriatrengna puala hun hman a ni a, kumin hi a kum 50-na cham a nih angin Central Sawrkar chuan hetianga hun hmang tur hian ruahmanna siamin mipuite dikna chanvo inzirtirthar lehna leh Democracy ram tana Danpui (Constitution) a pawimawh thu inzirtirna hun puala buatsaih a ni.

Samvidhan Hatya Diwas pual hian Champhai District-ah hmun pali ah hun hman a ni a. Govt. GM High School, Champhai leh Khawbung BDO-ah te hun hman tawh niin, vawiin khan a tawp khar nan Govt. Champhai College-ah exhibition hi neih leh a ni.