State Research Advisory Committee (SRAC) Meeting Vawi 4-na MINECO-ah neih a ni.

#ZONEWS Aizawl July 25, 2025 Zirtawpni: Vawiin khan Pu. H Lalengmawia IAS, Commissioner & Secretary EF&CC Department leh Chairman, State Research Advisory Committee (SRAC) ni bawk kaihhruaina hnuaiah SRAC Meeting tum lina (4) chu Chief Wildlife Warden Conference Hall, MINECO-ah neih a ni. SRAC ah hian Pu MZ. Singson IFS, Chief Wildlife Warden, Mizoram chu Member Secretary niin, Principal Chief Conservator of Forests Mizoram, Addl. PCCF, Department hrang hrang a hotute leh Mizoram University a Professor’s te nen Committee Members 16 an awm a ni.

Vawiin a SRAC thutkhawmnaah hian Research Application thar 4 leh Research Renewal Permit 4 bakah, Research Permit Updation 1 te endik an ni a. He meeting hi Dr. B.Malsawmkima, Scientific Officer, Mizoram State Biodiversity Board chuan lawmthu sawina hun hmangin tih tawp a ni.

Mizoram chhunga Protected Areas leh Forest areas hmun hrang hrang ah te Scientific Research tih dawnin SRAC kaihhruaina mumal tak hnuaiah dan angin endik leh thlitfim thin a ni a, he committee hian thutlukna siamin, Dan hrang hrangte tlawhchhanin Mizoram chhunga Research tih phalna a pek te hnenah chauh Research Permit pek chhuah thin a ni. He Committee (SRAC) hi kum 2023 atanga din tan niin, tun thleng in Mizoram chhung leh pawn atangin Research dilna 22 awm tawh in, Research Permit pawh mi 11 hnenah pekchhuah a ni tawh bawk.