Mizoram chhung hmun hrang hrangah kawng chhia tam tak awm mahse thlai hnah leh Mizo chawhmeh lakluh leh inthawn kawngah harsatna a awm lo.

#ZONEWS July 26, 2025: Aizawla chawhmeh bazarpui a thlai zuar tute chuan tunlai hian Mizoram hmun hrang hrang atangin Aizawlah Lo a chin chi chawhmeh a thleng nasa tih an sawi a, anhnah leh thlai pawh a tlawm lai a ni mek tih an sawi bawk.

Behlawi, bawkbawn leh maian te a tlawm a, thal laia cheng 50 man kha tunah chuan cheng 20 bawrin a lei theih mek a, anhnah tel dang pawh cheng 50 man ni thin kha cheng 30 te in a lei theih mek bawk a ni.

Bazar-a chawhmeh zuar tute chuan, thlai chu a tam lai a nih avangin a to thei lo tih an sawi a, chutihrualin thlai hnah chu tam lai nei, rei vak lo hnua rem leh duak thei a nih avangin a hralhna man zat chu a danglam ve reng thei tih an sawi. Chawhmeh leia bazar kal te chuan thlai man tlawm lai a nih avangin bazar a nuam an ti a, thlai a tharlam tha tih an sawi bawk.

Lakhuihthei erawh a man a tlawm lo thung, pum lian deuh cheng 100 a la ni a, pum khat cheng 50 man leh pum thum cheng 100 man te a la ni hlawm a, lakhuihthei hi Bazarpui bakah Aizawl khaw dai lam Bawngkawn atanga Durtlang Leitan panna kawng sir leh Zemabawk leh Thuampui inkar kawng sirah te zuar an tam hle a ni.