Mamit-ah District Level Committee on Chief Minister Rubber Mission an thukhawm

#ZONEWS Mamit July 31, 2025: Vawiin khan Taitesena Buk, DC Office Mamit-ah District Level Committee on Chief Minister Rubber Mission an thukhawm a, Pu Malsawmzuala, DC charge la mek in he hun hi a kaihruai.

Pu K. Lalrochhara, DSCO leh Member Secretary ni bawk chuan Mamit district a he mission kalpui a nih dan sawi zauna hun a hmang a, cluster selection neih dan leh kalphung sawiin phase II a kalpui dan tur committee hian an rel a ni.

Mamit District chhungah he mission Phase I atan chhungkaw-844, hectare-844 ruahman niin rubber seedling sem mek a ni a. Phase II atan hian chhungkaw-436, Hectare-436 thlan fel a ni. Thlan chhuah khua te chu-

1. Bungthuam- 150
2. Kawrtethawveng- 163
3. Kawrthah- 31
4. Zawlpui- 12
5. Darlak- 31
6. North West Phaileng- 25
7. Hmunpui- 24