AGRICULTURE INFRASTRUCTURE FUND (AIF) HNUAIA LOAN DIL DUH TAN PROJECT THEHLUH THEIH

#ZONEWS Siaha August 05, 2025: Deputy Secretary to the Govt of Mizoram, Agriculture & Farmers Welfare Department atanga thuchhuak angin Agriculture Infrastructure Fund (AIF) hnuaia Loan dil duh tan project proposal a thehluh theih. AIF chu Sawrkar Laipui Scheme niin Kum 2020 khan Sawrkarin Post harvest management leh khawtlang huapzo agricultural asset tihchangtlunna tura a duanchhuah a ni a, Loneitute, Farmer Producer Organisation (FPO), Self-Help Groups, Cooperatives, Agri-entrepreneurs leh midang thlai tharchhuah dahkhawmna tur emaw, sawngbawlna hmun emaw hralhchhuahna lam kaihhnawih atana he scheme hi duan chhuah a ni.

AIF Scheme thil tum bulpui ber chu thlai tharchhuah tawih ral mai loh tura buatsaih, hralh chhuah hmaa lo dahkhawm lailawkna tur hmun ruahman, a aia man man zawka buatsaih theihna tur khawl tihchangtlun, thlai tharchhuahte hralhna tur hmuna thlenpui zung zung bakah loneitute khawsakna leh nunphung tih zangkhaina tura an pawisa lakluh tihpun te a ni.

He scheme hnuaia Loan dil tur te tan AIF portal agriinfra.dac.gov.in siam a ni a, dil tur te chuan an Aadhaar Number leh Mobile Number hmangin beneficiary registration page a in ziahluh theih a ni anga, chuta tang chuan Beneficiary ID leh password an dawng dawn a ni. Chung hmang chuan portal a lutin Loan application form leh a Detailed Project Report (DPR) siam te thehluh tur a ni ang. Application thehluh takte chu Central Project Management Unit (PMU) ten an lo endik anga, pawm a nih chuan Bank thlante hnehah thehluh leh a ni ang. Bank in tul leh pawimawhte a enfel hnuah a pawm a nih chuan kum 7 chhunga rulh turin 2 crore thleng pawisa a puk theih dawn a, a puktuten an rulh that chuan interest subvention 3% a awm bawk ang. He Scheme hi 2020-2021 atanga 2032-2033 thleng a ni anga, loan pekchhuah tur te chu FY 2025-2026 chhungin pekchhuah fel tur a ni.

He Scheme hnuaia District Level Monitoring Committee (DLMC) member te;

1) District Collector/ District Commissioner- Chairman
2) District Development Manager, NABARD- Member Secretary
3) District Agriculture Officer (As member Secretary where NABARD does not have any presence) -Member
4) Assistant Registrar of Cooperative Societies (ARCS)-Member
5) Lead District Manager, DLBC-Member
6) District AH & Vety Officer (DVO)- Member
7) Divisional Horticultural Officer (DHO)- Member
8) District Fisheries Development Officer (DFDO)- Member